Actualidade

Os profesores Isaac Lourido, Carlos Paulo Martínez Pereiro e Alva Martínez Teixeiro, membros de ILLA, publicaron nestes primeiros meses do ano novas achegas na liña dos estudos culturais.

Isaac Lourido colabora no libro Ensayos de historiografía literaria (castellana, catalana, gallega y vasca) cun capítulo sobre a História da Literatura de Carvalho Calero. Na compilación de ensaios publicada por Gredos hai tamén outros dous capítulos sobre tema galego: un de Chus Lama sobre Manuel Murguía e outro de Álex Alonso sobre o Ensaio d'un programa pr'o estudo da literatura popular galega, de Vicente Risco.

Pola súa parte, Carlos Paulo Martínez Pereiro e Alva Martínez Teixeiro publican, no volume 34.1 da revista Arte, individuo y sociedad da Universidad Complutense de Madrid, un ensaio sobre a identidade expandida e a alteridade do retrato na obra memorialística e plástica do artista brasileiro Iberê Camargo (1914-1994). O artigo é resultado parcial do proxecto de investigación Artistas letrados e letrados artistas (AL-LA), financiado pola Fundação para a Ciência e a Tecnologia (FCT) e desenvolvido no Centro de Literaturas e Culturas Lusófonas e Europeias da Universidade de Lisboa (CLEPUL) e do Grupo ILLA da UDC, respectivamente, pola profesora Alva  M. Teixeiro e polo profesor Carlos P. M. Pereiro.