Publicacións

Este volume recolle os textos que as relatoras e relatores participantes expuxeron no desenvolvemento das IV Xornadas sobre Lingua e Usos que, so a denominación nesta ocasión de Lingua e Comunicación, tiveron lugar na Universidade da Coruña desde o 7 até o 9 de novembro de 2007.

Nos textos que compoñen este volume analízase a presenza cuantitativa do galego nos medios de comunicación, mais tamén a calidade da lingua por eles utilizada. Se no relativo á primeira se poñen de manifesto graves carencias, canto á segunda, aínda que se observan importantes avances, tamén se constata a necesidade de mellorar.