Actualidade


Carlos Paulo Martínez Pereiro participa no coloquio 'A Raia na Água: Eduardo Lourenço e o mundo hispânico'
1 e 2 de xuño de 2021
Universidade de Évora (evento online)

O profesor Carlos Paulo Martínez Pereiro, membro integrado de ILLA, participará neste encontro organizado pola Cátedra de Estudos Ibéricos da Universidade de Évora coa intervención "Da pintura como questão e dos imaginários hispânicos lourencianos".


A intervención focará a visión de Eduardo Lourenço (1923-2020) dos imaxinarios hispánicos, partindo da contundente perspectiva da “via negationis” con que, como socrático “espetador de passagem” de museos, exposicións e obras artísticas, o autor re-pensa a traxectoria plástica na modernidade. Estes imaxinarios, no seu caso, institúen esbozos caracterizadores dun certo imaxinario portugués, re-elaborado nomeadamente no século XX, e dun controverso imaxinario español, tan comunal canto esencialista e discutíbel. Abordaranse, por tanto, os textos recollidos en O espelho imaginário. Pintura, anti-pintura, não-pintura (1996) e Da pintura (2017), dun Lourenço que, como instigante ‘visitante ocasional’ da arte e dos artistas, aforisticamente consideraba que “ser é ser visto”.