Actualidade
'Cultura galega e arte urbana. Unha aproximación aos murais e graffiti na provincia da Coruña (2015-2021)'
16 de xuño de 2022
Agrupación Cultural Alexandre Bóveda, r/ Olmos 16, 1º andar
Rebeca Castiñeiras participará no ciclo Aula Aberta organizado pola AC Alexandre Bóveda en colaboración co Grupo ILLA.
Rebeca Castiñeiras, graduada en Historia da Arte pola USC e mestra en Literatura, Cultura e Diversidade pola UDC, falará das expresións artística en forma de mural e graffiti, tomando como referencia principal os proxectos de arte urbana desenvolvidos na Coruña.
A conferencia forma parte do ciclo Aula Aberta organizado pola AC Alexandre Bóveda en colaboración co Grupo ILLA, con que ambas institucións pretenden estabelecer un espazo de divulgación e intercambio sobre temas da literatura e cultura galegas.
Para asistir a esta actividade cómpre rexistrarse na páxina web da AC Alexandre Bóveda.
