Actualidade


A recuperación da memoria histórica na literatura galega do século XXI
24 de marzo de 2022
Agrupación Cultural Alexandre Bóveda

Diego Rivadulla participará no ciclo Aula Aberta organizado pola AC Alexandre Bóveda en colaboración co Grupo ILLA. 


Diego Rivadulla, investigador posdoutoral no Grupo ILLA, falará da importancia do papel da literatura na recuperación da memoria histórica. A literatura, nomeadamente, a narrativa e o teatro son un contributo esencial na conformación dunha memoria cultural galega da guerra civil e o franquismo. 

A conferencia forma parte do ciclo Aula Aberta organizado pola AC Alexandre Bóveda en colaboración co Grupo ILLA, con que pretenden estabelecer un espazo de divulgación e intercambio sobre temas da literatura e cultura galegas. 

A actividade terá lugar na sede da AC Alexandre Bóveda este xoves, 24 de marzo, ás 19.30 h. Para poder asistir, cómpre rexistrarse na páxina web enviando un formulario.