Publicacións

O catedrático Xosé Ramón Freixeiro Mato realiza un estudo detallado da vida, personalidade e produción literaria do escritor Antonio Noriega Varela, así como unha edición rigorosa da súa obra. Este traballo, distribuído en dous volumes, con xerme na tese de doutoramento presentada na Universidade da Coruña o 31 de xullo de 1992, supuxo a procura en arquivos, bibliotecas e hemerotecas, públicas ou privadas, do país e de Portugal, de documentación biográfica, bibliografía e textos do escritor espallados por diversas publicacións, tanto locais como xerais, ben do interior ou da emigración.