Publicacións

Estudo da lingua literaria decimonónica baseado no material informativo proporcionado pola diversidade de textos literarios dese período, que vai desde os de maior ambición estético-literaria a aqueles que simplemente pretenden reproducir a coloquialidade e espontaneidade da fala dos grupos sociais iletrados, labregos e mariñeiros.

Alén da caracterización da lingua literaria do século XIX, obxectivo fundamental da presente obra, a pluralidade de textos seleccionados fornece materia lingüística suficiente para podermos realizar tamén unha aproximación á realidade da fala no momento.