A pecadenta silenzosa
Manuel Bergueiro López Autora da ficha: María Vilariño Suárez |
Edicións | Estrutura editorial | Recensión | Datos narratolóxicos | Observacións |
Tempo da historia: Non aparece precisado. A historia comeza antes do nacemento de Maruxiña e Manoel que se produce no ano 1884 e finaliza co casamento do fillo de ambos coa filla del sen que se indique o tempo discorrido. Personaxes: María de la Consolación Feixóo Pereiro, coñecida como Maruxiña da Consolación, e Manoel Alfonso Boullosa León son os protagonistas da novela. A súa complexa historia amorosa centra a trama. Personaxes secundarios son o Sr. Lorenzo Boullosa (pai de Manoel), Prácido Feixóo e Xenerosa (pais de Maruxiña) e Nazario (fillo de Manoel e Maruxiña). Relacionado coa biografía de Prácido Feixóo aparece o médico Roberto Koch (Heinrich Hermann Robert Koch 1843-1910), único personaxe histórico da novela. O seu descubrimento do bacilo da tuberculose en 1882 tamén aparece reflectido na obra. Acontecementos históricos: O único acontecemento histórico é o descubrimento do bacilo de Koch en 1882. Este feito garda relación coa biografía de Prácido Feixóo, pai de Maruxiña, protagonista na novela. Tema: Trama amorosa entre Maruxiña e Manoel Alfonso. Diversas circunstancias vitais fan que se perdan de vista. Teñen un fillo que se cría na Habana, lonxe de ambos, e que acaba casando, sen sabelo ningún dos actantes, coa filla de Manoel. Narrador: Heterodiexético e omnisciente en terceira persoa. Espazo narrativo: Fundamentalmente as parroquias de Abeiro e Conles (Moraña) onde residen Manoel Alfonso e Maruxiña. Aparecen tamén outras localidades galegas como Negreira e O Carballiño, españolas como Madrid e Barcelona e internacionais como Berlín, Bos Aires e A Habana. Predominan os espazos externos (campo da festa, rúas…) sobre os internos. Estrutura narrativa: Aínda que a novela parte dos antecedentes familiares dos protagonistas a trama desenvólvese sempre de xeito lineal. |
|||
Catálogo elaborado dentro do Proxecto de Investigación Narrativa, discurso da historia e construción da identidade na Galiza (PGIDIT07PXIBI04151PR) subsidiado pola Consellaría de Innovación e Industria da Xunta de Galicia. ![]() ![]() Deseño e realización técnica: Laura Mariño |