Semprenoiva
Francisco Cabo Pastor Autora da ficha: María Vilariño Suárez |
Edicións | Estrutura editorial | Recensión | Datos narratolóxicos | Observacións |
Tempo da historia: A trama marco discorre nas poucas horas nocturnas que pode ocupar o parladoiro e a narración de Semprenoiva. A trama inserida mantense durante os anos non precisados en que Hermesinda e o escolar manteñen a súa relación sentimental. Personaxes: Dentro do conto de Semprenoiva tan só o escolar, que nin sequera conta cun nome, e Hermesinda. Na trama conformada polo parladoiro nocturno salientan Rosiña e don Nicandro mais tamén están presentes a señora Xilda, a tía Rosa, Bastiana, o cubano, o escusador, Laureana, o mestre, o zoqueiro e o tío Bartolo. Acontecementos históricos: A única referencia histórica aparece na narración incrustada mediante unha referencia imprecisa á ambientación da acción no Século de Ouro. Tema: Faladoiro nocturno nunha casa da aldea onde se narra o conto Semprenoiva cuxo asunto é a vida amorosa dunha misteriosa muller que non permite ver o seu rostro. Narrador: Heterodiexético e omnisciente en terceira persoa no tocante ao parladoiro. A historia de Semprenoiva conta cun narrador que é personaxe destacado nesoutra trama. Este narrador-personaxe é tamén heterodiexético e omnisciente en terceira persoa. Espazo narrativo: O interior da casa da vinculeira (a señora Xilda) e interior da casa de Rosiña no caso da trama marco. Na trama de Semprenoiva salienta a fiestra da casa de Hermesinda. Estrutura narrativa: Lineal tanto narración que serve como marco como na narración incrustada. |
|||
Catálogo elaborado dentro do Proxecto de Investigación Narrativa, discurso da historia e construción da identidade na Galiza (PGIDIT07PXIBI04151PR) subsidiado pola Consellaría de Innovación e Industria da Xunta de Galicia. Contacto: novelahistgal@yahoo.es © Francisco Salinas et alii, 2011 Deseño e realización técnica: Laura Mariño |