–Publícase por primeira vez no semanario A Monteira, desde o 31 de maio de 1890 até o 27 de setembro de 1890 (nos números 35, 37, 38, 40, 42, 44, 45, 47, 49, 51 e 52).

– Alira de Elfe destaca polo seu grande valor histórico, ao se localizar nunha época de suma importancia na historia de Galiza, o reino suevo. Destaca igualmente pola importancia que o autor lle dá ás narracións de Benito Vicetto sobre esta época, que son mencionadas de maneira constante ao longo do relato.

– Resulta de suma importancia o subtítulo que o propio autor engade, Alira de Elfe (lenda histórica). O mesmo Manuel Lois Vázquez sería consciente de estar a realizar unha contribución ao xénero histórico.