Paratextos:

A primeira edición (1934) e a edición facsímile do 2003  conteñen unha dedicatoria "Á revista Logos de Galiza", unha listaxe das obras do autor editadas en Nós cos prezos de venda e unha nota breve introdutoria sen título e sen asinar (supoñemos que é da autoría do propio Otero). Ao final hai un índice no que figuran os nove capítulos que compoñen a novela ("Os tristes viños da Hungría", "Sonata con vento báltico", "24 de Entroido", "Ein sturtzes Scholoss...", "Europa", "Badeladas de Páscoa no 'Fausto'", "As Musas da Intelixenza", "Urbi et Orbi" e "O 'Requiem' de Mozart".

Na edición de 1987 figura, ademais, un prólogo asinado por Álvaro Cunqueiro.

Outros textos literarios integrados no volume:

A edición facsímile de Nós Publicacións (2003) contén tamén:

– O estatuto de Galiza. Antecedentes e comentarios (1975), de Castelao.
– Obras completas, Tomo I (Poesías) (1930), de Manuel Leiras Pulpeiro.
– Retrincos (1934), de Castelao.